Carike Keuzenkamp - Wouter Kabouter (Key: OR Cmaj)

Title: Wouter Kabouter
Format: MP3 Backing Track - Instrumental - Karaoke
Created in the style of: Carike Keuzenkamp
Genre: South African; Kids & Teens
Language: Afrikaans
Era: 2000s
Key: OR Cmaj
Backing vocals: No
Lyrics: Yes
 
Wouter Kabouter het 'n blink kasteel
Waar die duiwe roep en die apies speel
Maar Wouter Kabouter wou 'n ryperd hê
Om die plek te soek waar die son gaan lê
 
Wouter Kabouter het 'n perd gaan koop
Wat trippe-trap op die lang pad loop
Maar die langstert perd het hom afgesmyt
En Wouter Kabouter het die stof gebyt
 
Waar slaap die son?
Waar gaan hy staan?
Waar is die plek waar die son onder gaan?
 
Wouter Kabouter lê plat in die pad
En hy huil hom sat dat die trane spat
Maar hy kyk toe op na die riffelpad
En daar kom sy maat Kerneels die kat
 
Kerneels die kat wil toe sommer weet
Wat die rede is vir Kabouter leed
En Wouter sê ek wou gaan kyk
Hoe dit anderkant die berge lyk
 
Want waar slaap die son?
Waar gaan hy staan?
Waar is die plek waar die son onder gaan?
 
Die kat sê toe: “Jy’s baie laf”
Maar slaan die stof van jou klere af
Klim op my rug en kom ons ry
Om die antwoord op jou vraag te kry
 
Die twee trek weg dat die stof so staan
Met die pad wat om die wêreld gaan
Oor elke land en elke see
En die son gaan mee, die son gaan mee
 
Waar slaap die son?
Waar gaan hy staan?
Waar is die plek waar die son onder gaan?
 
Hulle kom toe uit by 'n blink kasteel
Waar die duiwe roep en die apies speel
En daar is die nes van die son ontdek
Op Wouter Kabouter se eie plek
 
Want daar slaap die son
Daar gaan hy staan
Daar is die plek waar die son onder gaan
 
Composer: VAN RENSBURG/VAN DER WESTHUIZEN (EMI/BRIGADIERS)